Tenila caru ancu tù

 

A sceltu a to accumbracciata,

U to carrughju, i to lochi.

N’eramu eri à l’allacciata,

Aviamu da accende i fochi.

 

Tenila caru, tenila caru ancu tù.

 

Emu risu, emu ancu pientu.

Cum’è vo a fate ad avà.

Gosu e carezze di issu mumentu,

E scosse di u principià

 

Tenila caru, ùn a ferì, tenila caru ancu tù.

 

Chì resta in a camera unta?

Quale ci hè quandu spenghju u lume?

Un stampu nant’à a strapunta,

A robba intinta di perfume

 

Tenila caru, falla adurà, tenila caru ancu tù.

 

S’ella si lagna ghjorni sani

Tenila caru, ch’ella si spanni

Sguassa u mo nome ùn mi pensà più

Tenila caru ancu tù

Parolle GF. Mattei
Musica L. Giacomini
Accunciamenti M. Tomei

 

Tene

 

À chì vede i so ragi à chì nuli

À chì sorte a pistola à chì mazzuloni

L’equilibriu s’acconcia ancu ellu

È pare paru paru

Brusgia e petre è si para ancu à tè

Tene u mondu, tene u to mondu

 

À chì parte à chì ghjunghje à chì fughje

À chì cerca l’oru à chì frutti

A mo cunfina si lega d’ella

È pare para para

Brusgia a petra chì si para ancu à tè

Tene u mondu, tene u to mondu

Tene u mondu, tene à tuttu u mondu

Parolle GF. Mattei
Musica L. Giacomini
Accunciamenti M. Tomei

 

Lettera à Marianna

 

Nu le ire marine sbattuleghja lu me sguardu

È puru navichendu, u toiu, ùn trova più

‘Ss’ochji di petra fissi, freti quant’hè lu farru

Hà bulicatu quì l’inghjò cum’è l’insù

 

Tù chi fùsti a rivolta, l’astru di meraviglia

Cum’hè ch’è tù sè muta è ch’è t’ ùn mi rispondi

Eiu lu moru chi cercu sempre una via

Lu to silenziu hè, millai di ribombi

 

È s’è lu to cappellu, rossu cum’hè lu sangue

Chjama à qualchi ricordu, lu me frisgiettu Biancu

Centu settanta trè ! mughjeranu le fanghe

Duve dormenu soli, fratelli, è ùn sò quantu

 

In fine vogliu dì ti, luntanu à l’orizonte

Un sole hè ghjà smarritu chi un altru hè da sbuccià

O Marianna a sai sò fatte e nostre stonde

S’è tù sè stantarata, mi fermu à chjucchittà

Parolle P. Canon
Musica L. Giacomini
Accunciamenti M. Tomei